| 話說最近,身邊有不少大鑊野發生, 好多你估唔到會發生既事發生,情緒上,講唔上過份波動,始終種情都未係想像般深,所以同d弟兄姊妹們分享完其實已經係舒服左,但心裡總有一點說不出既憤慨,覺得可惜, 同埋聽到好多歪理,所以覺得好蠶食精神,什至有兩三晚都係冇訓過...完全訓唔著....... 前晚話說一晚之間好多個msn msg, 好多人同我講野, 有人講敬拜, 有人講音樂,有人講理想, 有人講感情, 有人講原則, 有人純吹水,有人安慰我, 有人鼓勵我............其實短短兩小時, 我諗都算係一傾, 都係傾得深入, 一講就係有最少6 個parties 同我講d 深入, 要好用腦回答既msg........好疲累好疲累,但疲累中,我又有一點點領受.....與其我為處理唔到既事,改變唔到既現實,我去唔開心, 我去覺得可惜,點解唔好好積極用呢d負面感受轉為正能量給人鼓勵呢, 剛好分別同青少幾個弟兄傾緊,覺得可以鼓勵佢地, 支持佢地, 肯定佢地走前面既路,鼓勵佢地願意為神擺上更多,不是很好嗎? 幾個同我傾偈既青少, 其實佢地都有理想, 有睇法, 我都係一個有理想同唔甘於被現實環境和制度擺佈的人, 縱然人大了就係所謂成熟左,時間少左,力氣少左, 唔會亂喊高大空既口號,但年輕人, 有生命力, 有空間去闖,有才能有見地,我覺得實在係要支持同鼓勵下,正如我都曾得到別人既鼓勵,今日都總算做到自己理想的工作。 同孫姐姐傾敬拜既野,可以同佢分享到D心得,都幾開心呀,我好認同, 一個事奉成唔成功唔在於係咪得自己先做到叫成功, 乃係可以神讓自己領受既都能同別人分享,讓更多人能承接使命先係有意思同達到事奉既果效。 0係呢段時間,坐低落黎靜一靜,發覺其實有唔少值得感恩既事可以數算: 雖然經此一役,但弟兄姊妹間的關懷多左,經歷多左愛既包裹,真係實踐AGAPE 既愛。 過往較少為自己既牧者禱告,特別最近見師父師母超級勞心勞力,常常哭崩了,真係好心痛,依家好多時諗起佢地兩老,就會為佢地禱告,求神加力俾佢地有過人既智慧同心力去處理。其實可以為自己牧者代求係一件好值得感恩既事, 一d人係覺得老奉,一d人係提也不提,唔識感恩。 係掙扎裡面,又見到有同路人既欣賞同扶持守望。 對伴侶更珍要重之。 昨晚練歌論到神交付既恩賜要好好管理,賺左十兩銀,神就交十座城佢管,我錢就唔係好賺到,不過突然想起, 青少有幾個徒弟仔, 自己團契又有徒弟仔建立緊可以幫佢地發揮恩賜他日用在團契和教會事工上, 都覺得好感恩, 真係唔覺唔覺就學緊管理神俾我既恩賜。 其實唔係就咁話教樂器等於教到一個人,但可以0係教既過程同佢地分享信仰上既經歷, 用信仰睇音樂, 用恩賜如何配搭事奉等等, 可以建立佢地, 都係好開心,呢樣就唔止係教識樂器既喜悅,而係建立到別人將恩賜服在主裡被神使用的喜悅。唔止教會, 0係教結他既歷程其實都有d學生係基督徒,本身都係有敬拜上既事奉,神唔止用我建立自己返緊既教會,都會用得著建立其他教會,又多一分感受到神在我身上的心意和作為。 成日都覺得錢唔係好儲到, 想結婚又冇錢...但數數下,又感恩呀, 婚又確係未有錢去籌備,但依家都有兩個好老師教緊我,裝備緊我, 一位係包生,讓我可以更進深地master自己既樂器, 將我積落3年通唔到既野解開哂,讓我對音樂又開另一種眼界; 另一位係車sir,幫我改善我人生其中一個嚴重遺憾(唔識用聲唱歌),神好恩待我,兩位都係0係我心目中既英雄同大師級.......以前覺得呢d奇蹟係唔會0係我身上發生,今日發生了, 感恩, 珍惜。 好似上星期五咁樣,d 兄弟車我出去海灘散心, 呢d都唔係必要,真係感恩,有同行者真好,唔駛講好多野, 就企0係個海灘到吹下水,望下水,主下天,周圍遊,心情就自然鬆了......... 係啦, 講一點既蠶食,原來都唔及得當你數算主恩既時候,恩典蓋過哂0個d歪理同負面情緒。其實我昨晚都訓唔到,可以話冇訓過,但今次唔係諗d負面野諗到唔開心, 而係好開心跟包生學完d野係咁0係個腦裡面load出來,興奮到訓唔到...咁都要感恩呀! 願主祝福所有在這篇文字的人,讓感恩勝過煩惱! |
